نئی دہلی: بھارتی کرکٹ ٹیم کے نوجوان کھلاڑی شیوم دوبے نے اپنی دوست انجم خان کے ساتھ مسلم رسومات کے مطابق شادی کرلی۔
بھارتی میڈیا رپورٹ کے مطابق بھارتی کرکٹر شیوم دوبے گزشتہ روز اپنی دوست انجم خان کے ساتھ رشتہ ازدواج میں منسلک ہوگئے، انہوں نے مسلم رسم و رواج کے مطابق شادی کی۔
شیوم دوبے نے سماجی رابطے کی ویب سائٹ ٹویٹر پر شادی کی تصاویر شیئر کی، مداحوں کی جانب سے کرکٹر کو شادی کی مبارک باد دینے کا سلسلہ جاری ہے۔
تصاویر میں شیوم دوبے کو شیروانی پہنے اور سہرا باندھے دیکھا جاسکتا ہے، ایک تصویر میں وہ دعا بھی کررہے ہیں۔
ایک تصویر میں شیوم دوبے انجم خان کو انگوٹھی ہناتے ہوئے بھی نظر آرہے ہیں۔
واضح رہے کہ آل راؤنڈر شیوم دوبے نے نومبر 2019 میں ڈیبیو کیا تھا، شیوم انڈین پریمیئر لیگ میں راجستھان رائلز کی نمائندگی بھی کرچکے ہیں۔
The post معروف بھارتی کرکٹر کی مسلم رسومات کے مطابق شادی appeared first on ARYNews.tv | Urdu - Har Lamha Bakhabar.
from کھیل – ARYNews.tv | Urdu – Har Lamha Bakhabar https://ift.tt/36HnDGr
via IFTTT
0 تبصرے